ਏਸ਼ੀਆ ਕੱਪ 2025 ਵਿੱਚ ਭਾਰਤ ਅਤੇ ਪਾਕਿਸਤਾਨ ਵਿਚਕਾਰ ਹੋਏ ਮੈਚ ਤੋਂ ਬਾਅਦ, ਕੁਝ ਅਜਿਹਾ ਹੋਇਆ ਜਿਸ ਨੇ ਸਾਰਿਆਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ। ਭਾਰਤੀ ਕਪਤਾਨ ਸੂਰਿਆਕੁਮਾਰ ਯਾਦਵ ਅਤੇ ਬਾਕੀ ਖਿਡਾਰੀਆਂ ਨੇ ਮੈਚ ਖਤਮ ਹੋਣ ਤੋਂ ਬਾਅਦ ਪਾਕਿਸਤਾਨੀ ਖਿਡਾਰੀਆਂ ਨਾਲ ਹੱਥ ਨਹੀਂ ਮਿਲਾਇਆ। ਕ੍ਰਿਕਟ ਵਿੱਚ ਇਹ ਪਰੰਪਰਾ ਹੈ ਕਿ ਮੈਚ ਖਤਮ ਹੋਣ ਤੋਂ ਬਾਅਦ, ਦੋਵਾਂ ਟੀਮਾਂ ਦੇ ਖਿਡਾਰੀ ਇੱਕ ਦੂਜੇ ਨਾਲ ਹੱਥ ਮਿਲਾਉਂਦੇ ਹਨ, ਪਰ ਇੱਥੇ ਕੁਝ ਵੱਖਰਾ ਹੋਇਆ।
ਅੱਤਵਾਦੀ ਹਮਲੇ ਤੋਂ ਬਾਅਦ, ਭਾਰਤ ਅਤੇ ਪਾਕਿਸਤਾਨ ਵਿਚਕਾਰ ਤਣਾਅ ਵਧਿਆ ਹੈ ਅਤੇ ਭਾਰਤ-ਪਾਕਿਸਤਾਨ ਸਬੰਧ ਪ੍ਰਭਾਵਿਤ ਹੋਏ ਹਨ, ਖਾਸ ਕਰਕੇ ਖੇਡਾਂ ਦੀ ਰਾਜਨੀਤੀ। ਅਜਿਹੀ ਸਥਿਤੀ ਵਿੱਚ, ਭਾਰਤੀ ਟੀਮ ਨੇ ਹੱਥ ਨਾ ਮਿਲਾਉਂਦੇ ਹੋਏ ਸਪੱਸ਼ਟ ਕਰ ਦਿੱਤਾ ਕਿ ਕੁਝ ਚੀਜ਼ਾਂ ਖੇਡਾਂ ਤੋਂ ਉੱਪਰ ਹਨ।
ਸੂਰਿਆ ਕੁਮਾਰ ਯਾਦਵ ਨੇ ਦੱਸਿਆ ਹੱਥ ਨਾ ਮਿਲਾਉਣ ਦਾ ਕਾਰਨ
ਸੂਰਿਆਕੁਮਾਰ ਯਾਦਵ ਨੇ ਕਿਹਾ,
"ਅਸੀਂ ਇੱਕ ਟੀਮ ਦਾ ਫੈਸਲਾ ਲਿਆ। ਅਸੀਂ ਸਿਰਫ਼ ਖੇਡਣ ਆਏ ਸੀ। ਅਸੀਂ ਆਪਣਾ ਜਵਾਬ ਦਿੱਤਾ। ਕੁਝ ਚੀਜ਼ਾਂ ਖੇਡ ਭਾਵਨਾ ਤੋਂ ਉੱਪਰ ਹਨ। ਅਸੀਂ ਇਸ ਜਿੱਤ ਨੂੰ ਆਪਣੇ ਸੈਨਿਕਾਂ ਨੂੰ ਸਮਰਪਿਤ ਕਰਦੇ ਹਾਂ ਜਿਨ੍ਹਾਂ ਨੇ 'ਆਪ੍ਰੇਸ਼ਨ ਸਿੰਦੂਰ' ਵਿੱਚ ਹਿੱਸਾ ਲਿਆ ਸੀ, ਅਤੇ ਅਸੀਂ ਪਹਿਲਗਾਮ ਅੱਤਵਾਦੀ ਹਮਲੇ ਦੇ ਸ਼ਹੀਦਾਂ ਦੇ ਪਰਿਵਾਰਾਂ ਦੇ ਨਾਲ ਖੜ੍ਹੇ ਹਾਂ।"
ਇਸ ਤਰ੍ਹਾਂ, ਹੱਥ ਨਾ ਮਿਲਾਉਣਾ ਭਾਰਤ ਵੱਲੋਂ ਵਿਰੋਧ ਦਾ ਇੱਕ ਰੂਪ ਬਣ ਗਿਆ।
Pakistan ਦਾ Reaction ਅਤੇ Post-Match Scene
ਪਾਕਿਸਤਾਨ ਦੇ ਕਪਤਾਨ Salam Ali Agha Post Match Presentation ਵਿੱਚ ਸ਼ਾਮਲ ਨਹੀਂ ਹੋਏ। ਕੋਚ ਮਾਈਕ ਹੇਸਨ ਨੇ ਮੰਨਿਆ ਕਿ ਕੁੜੱਤਣ ਦਾ ਦੋਵਾਂ ਪਾਸਿਆਂ 'ਤੇ ਪ੍ਰਭਾਵ ਪਿਆ।
Pakistan ਦੇ ਕੋਚ Coach Mike Hesson ਨੇ ਕਹੀ ਇਹ ਗੱਲ
ਉਨ੍ਹਾਂ ਕਿਹਾ,
“ਅਸੀਂ ਹੱਥ ਮਿਲਾਉਣਾ ਚਾਹੁੰਦੇ ਸੀ ਪਰ ਸਾਨੂੰ ਨਿਰਾਸ਼ਾ ਹੋਈ ਕਿ ਵਿਰੋਧੀ ਟੀਮ ਨੇ ਅਜਿਹਾ ਨਹੀਂ ਕੀਤਾ। ਖੇਡਣ ਦਾ ਅੰਦਾਜ਼ ਚੰਗਾ ਨਹੀਂ ਸੀ ਪਰ ਹੱਥ ਮਿਲਾਉਣ ਦੀ ਕੋਸ਼ਿਸ਼ ਜ਼ਰੂਰ ਕੀਤੀ ਗਈ।”
ਇਸ ਤੋਂ ਬਾਅਦ ਇੱਕ ਵੀਡੀਓ ਆਇਆ ਜਿਸ ਵਿੱਚ ਭਾਰਤੀ ਟੀਮ ਦੇ ਇੱਕ ਮੈਂਬਰ ਨੇ ਡ੍ਰੈਸਿੰਗ ਰੂਮ ਦਾ ਦਰਵਾਜ਼ਾ ਬੰਦ ਕਰ ਦਿੱਤਾ ਜਦੋਂ ਕਿ ਪਾਕਿਸਤਾਨੀ ਖਿਡਾਰੀ ਅਜੇ ਵੀ ਮੈਦਾਨ ਵਿੱਚ ਖੜ੍ਹੇ ਸਨ। ਇਸ ਘਟਨਾ ਨੇ ਹੱਥ ਨਾ ਮਿਲਾਉਣ ਦੇ ਰੁਖ਼ ਨੂੰ ਹੋਰ ਵੀ ਜ਼ੋਰ ਦਿੱਤਾ।
ਮੈਚ ਵਿੱਚ, ਭਾਰਤ ਨੇ ਸ਼ਾਨਦਾਰ ਟੀਮ ਯਤਨ ਦਿਖਾਇਆ ਅਤੇ ਸੱਤ ਵਿਕਟਾਂ ਨਾਲ ਜਿੱਤ ਪ੍ਰਾਪਤ ਕੀਤੀ। ਪਾਕਿਸਤਾਨ ਦੀ ਸ਼ੁਰੂਆਤ ਚੰਗੀ ਸੀ, ਖਾਸ ਕਰਕੇ ਸੈਮ ਅਯੂਬ ਨੇ ਪਾਵਰਪਲੇ ਵਿੱਚ ਦਬਾਅ ਬਣਾਇਆ। ਪਰ ਭਾਰਤ ਨੇ ਟੀਚਾ ਜਲਦੀ ਪ੍ਰਾਪਤ ਕਰ ਲਿਆ। ਸੂਰਿਆਕੁਮਾਰ ਯਾਦਵ ਨੇ 37 ਗੇਂਦਾਂ ਵਿੱਚ ਅਜੇਤੂ 47 ਦੌੜਾਂ ਬਣਾ ਕੇ ਟੀਮ ਨੂੰ ਜਿੱਤ ਦੇ ਰਾਹ 'ਤੇ ਪਾ ਦਿੱਤਾ।
