Arjun Tendulkar Engagement: ਸਾਨੀਆ ਚੰਡੋਕ ਨਾਲ ਨਵਾਂ ਅਧਿਆਇ
Arjun Tendulkar Engagement: ਭਾਰਤੀ ਕ੍ਰਿਕਟ ਦੇ ਮਹਾਨ ਬੱਲੇਬਾਜ਼ ਸਚਿਨ ਤੇਂਦੁਲਕਰ ਦੇ ਪੁੱਤਰ ਅਤੇ ਨੌਜਵਾਨ ਕ੍ਰਿਕਟਰ ਅਰਜੁਨ ਤੇਂਦੁਲਕਰ ਨੇ ਮੈਦਾਨ ਤੋਂ ਬਾਹਰ ਆਪਣੀ ਜ਼ਿੰਦਗੀ ਦਾ ਇੱਕ ਨਵਾਂ ਅਧਿਆਇ ਸ਼ੁਰੂ ਕੀਤਾ ਹੈ। ਮੀਡੀਆ ਰਿਪੋਰਟਾਂ ਅਨੁਸਾਰ, ਅਰਜੁਨ ਨੇ ਮੁੰਬਈ ਦੇ ਮਸ਼ਹੂਰ ਕਾਰੋਬਾਰੀ ਰਵੀ ਘਈ ਦੀ ਪੋਤੀ ਸਾਨੀਆ ਚੰਡੋਕ ਨਾਲ ਮੰਗਣੀ ਕਰ ਲਈ ਹੈ। ਘਈ ਪਰਿਵਾਰ ਹੋਟਲ ਅਤੇ ਫੂਡ ਇੰਡਸਟਰੀ ਵਿੱਚ ਇੱਕ ਵੱਡਾ ਨਾਮ ਹੈ। ਹਾਲਾਂਕਿ, ਨਾ ਤਾਂ ਤੇਂਦੁਲਕਰ ਪਰਿਵਾਰ ਅਤੇ ਨਾ ਹੀ ਘਈ ਪਰਿਵਾਰ ਨੇ ਇਸ ਮੰਗਣੀ ਬਾਰੇ ਕੋਈ ਅਧਿਕਾਰਤ ਬਿਆਨ ਜਾਰੀ ਕੀਤਾ ਹੈ। ਜਾਣਕਾਰੀ ਅਨੁਸਾਰ, ਇਹ ਮੰਗਣੀ ਮੁੰਬਈ ਵਿੱਚ ਇੱਕ ਨਿੱਜੀ ਅਤੇ ਬਹੁਤ ਹੀ ਸਾਦੇ ਸਮਾਰੋਹ ਵਿੱਚ ਹੋਈ, ਜਿਸ ਵਿੱਚ ਦੋਵਾਂ ਪਰਿਵਾਰਾਂ ਦੇ ਸਿਰਫ਼ ਨਜ਼ਦੀਕੀ ਰਿਸ਼ਤੇਦਾਰ ਅਤੇ ਦੋਸਤ ਹੀ ਸ਼ਾਮਲ ਹੋਏ।
ਅਰਜੁਨ ਦੀ ਮਾਂ ਅੰਜਲੀ ਤੇਂਦੁਲਕਰ ਬਹੁਤ ਖੁਸ਼ ਦਿੱਤੀ ਦਿਖਾਈ
ਅਰਜੁਨ ਦੀ ਮਾਂ ਅੰਜਲੀ ਤੇਂਦੁਲਕਰ ਇਸ ਖਾਸ ਮੌਕੇ 'ਤੇ ਬਹੁਤ ਖੁਸ਼ ਦਿਖਾਈ ਦਿੱਤੀ, ਜਦੋਂ ਕਿ ਅਰਜੁਨ ਦੇ ਪਿਤਾ ਸਚਿਨ ਤੇਂਦੁਲਕਰ ਨੇ ਵੀ ਇਸ ਪਲ ਦਾ ਪਰਿਵਾਰ ਅਤੇ ਦੋਸਤਾਂ ਨਾਲ ਆਨੰਦ ਮਾਣਿਆ। ਦਿਲਚਸਪ ਗੱਲ ਇਹ ਹੈ ਕਿ ਸਾਨੀਆ ਅਰਜੁਨ ਦੀ ਭੈਣ ਸਾਰਾ ਤੇਂਦੁਲਕਰ ਦੀ ਬਹੁਤ ਕਰੀਬੀ ਦੋਸਤ ਵੀ ਹੈ। ਸਾਨੀਆ ਚੰਡੋਕ ਦਾ ਪਰਿਵਾਰ ਲੰਬੇ ਸਮੇਂ ਤੋਂ ਭਾਰਤ ਦੇ ਪਰਾਹੁਣਚਾਰੀ ਅਤੇ ਭੋਜਨ ਖੇਤਰ ਵਿੱਚ ਸਰਗਰਮ ਹੈ। ਉਹ ਮੁੰਬਈ ਦੇ ਇੰਟਰਕੌਂਟੀਨੈਂਟਲ ਮਰੀਨ ਡਰਾਈਵ ਹੋਟਲ ਅਤੇ ਮਸ਼ਹੂਰ ਘੱਟ-ਕੈਲੋਰੀ ਆਈਸ ਕਰੀਮ ਬ੍ਰਾਂਡ ਬਰੁਕਲਿਨ ਕਰੀਮਰੀ ਦੇ ਮਾਲਕ ਹਨ। ਸਾਨੀਆ ਦੀ ਜੀਵਨ ਸ਼ੈਲੀ ਅਤੇ ਪੇਸ਼ੇਵਰ ਪਿਛੋਕੜ ਦੋਵੇਂ ਹੀ ਉੱਚ-ਪ੍ਰੋਫਾਈਲ ਹਨ, ਜਿਸ ਕਾਰਨ ਉਸਦਾ ਨਾਮ ਅਕਸਰ ਸਮਾਜਿਕ ਸਰਕਲਾਂ ਵਿੱਚ ਸੁਰਖੀਆਂ ਵਿੱਚ ਰਹਿੰਦਾ ਹੈ।
ਰਣਜੀ ਟਰਾਫੀ ਵਿੱਚ ਗੋਆ ਲਈ ਖੇਡਦਾ ਨਜ਼ਰ ਆਵੇਗਾ ਅਰਜੁਨ
ਦੂਜੇ ਪਾਸੇ, ਅਰਜੁਨ ਤੇਂਦੁਲਕਰ ਇਸ ਸਮੇਂ ਆਪਣੇ ਕ੍ਰਿਕਟ ਕਰੀਅਰ 'ਤੇ ਧਿਆਨ ਕੇਂਦਰਿਤ ਕਰ ਰਿਹਾ ਹੈ। ਉਹ ਇਸ ਸਾਲ ਰਣਜੀ ਟਰਾਫੀ ਵਿੱਚ ਗੋਆ ਲਈ ਖੇਡਦਾ ਨਜ਼ਰ ਆਵੇਗਾ। ਅਰਜੁਨ ਨੇ ਹੁਣ ਤੱਕ 17 ਫਸਟ ਕਲਾਸ ਮੈਚਾਂ ਵਿੱਚ 33.51 ਦੀ ਔਸਤ ਨਾਲ 37 ਵਿਕਟਾਂ ਲਈਆਂ ਹਨ ਅਤੇ 23.13 ਦੀ ਔਸਤ ਨਾਲ 532 ਦੌੜਾਂ ਬਣਾਈਆਂ ਹਨ। ਲਿਸਟ-ਏ ਕ੍ਰਿਕਟ ਵਿੱਚ, ਉਸਨੇ 18 ਮੈਚਾਂ ਵਿੱਚ 25 ਵਿਕਟਾਂ ਅਤੇ 102 ਦੌੜਾਂ ਬਣਾਈਆਂ ਹਨ, ਜਦੋਂ ਕਿ 24 ਟੀ-20 ਮੈਚਾਂ ਵਿੱਚ, ਉਸਨੇ 27 ਵਿਕਟਾਂ ਅਤੇ 119 ਦੌੜਾਂ ਬਣਾਈਆਂ ਹਨ।
ਅਰਜੁਨ ਆਈਪੀਐਲ 2025 ਵਿੱਚ ਮੁੰਬਈ ਇੰਡੀਅਨਜ਼ ਦਾ ਹਿੱਸਾ ਸੀ ਅਤੇ ਉਸਨੂੰ 30 ਲੱਖ ਰੁਪਏ ਦੇ ਬੇਸ ਪ੍ਰਾਈਸ 'ਤੇ ਵੀ ਬਰਕਰਾਰ ਰੱਖਿਆ ਗਿਆ ਸੀ, ਪਰ ਉਸਨੂੰ ਇੱਕ ਵੀ ਮੈਚ ਖੇਡਣ ਦਾ ਮੌਕਾ ਨਹੀਂ ਮਿਲਿਆ। ਇਸ ਦੇ ਬਾਵਜੂਦ, ਅਰਜੁਨ ਲਗਾਤਾਰ ਆਪਣੇ ਖੇਡ 'ਤੇ ਸਖ਼ਤ ਮਿਹਨਤ ਕਰ ਰਿਹਾ ਹੈ ਅਤੇ ਘਰੇਲੂ ਕ੍ਰਿਕਟ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰਕੇ ਭਾਰਤੀ ਕ੍ਰਿਕਟ ਵਿੱਚ ਆਪਣੀ ਜਗ੍ਹਾ ਪੱਕੀ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ।
