ਲੁਧਿਆਨਾ ਵਿਧਾਨ ਸਭਾ ਸੀਟ ਤੇ ਉਪ ਚੋਣ, ਕੇਜ਼ਰੀਵਾਲ ਨੇ ਕਿੱਤੇ ਵੱਡੇ ਐਲਾਨ

ਲੁਧਿਆਣਾ ਦੀ ਪੱਛਮੀ ਵਿਧਾਨ ਸਭਾ ਸੀਟ 'ਤੇ ਹੋਣ ਵਾਲੇ ਉਪ ਚੋਣ ਲਈ ਪ੍ਰਚਾਰ ਜ਼ੋਰਾਂ 'ਤੇ ਚੱਲ ਰਿਹਾ ਹੈ। ਮੰਗਲਵਾਰ ਨੂੰ ਆਮ ਆਦਮੀ ਪਾਰਟੀ ਦੇ ਰਾਸ਼ਟਰੀ ਕਨਵੀਨਰ ਅਰਵਿੰਦ ਕੇਜਰੀਵਾਲ ਨੇ ਸੰਜੀਵ ਅਰੋੜਾ ਦੇ ਹੱਕ ਵਿੱਚ ਵੋਟਾਂ ਦੀ ਲੋਕਾ ਨੂੰ ਅਪੀਲ ਕੀਤੀ। ਇਸ ਦੌਰਾਨ ਉਨ੍ਹਾਂ ਇਹ ਵੀ ਕਿਹਾ ਕਿ ਜੇਕਰ ਸੰਜੀਵ ਅਰੋੜਾ ਚੋਣ ਜਿੱਤ ਜਾਂਦੇ ਹਨ ਤਾਂ ਅਸੀਂ ਉਨ੍ਹਾਂ ਨੂੰ ਮੰਤਰੀ ਬਣਾਵਾਂਗੇ।

'ਆਪ' ਦੇ ਰਾਸ਼ਟਰੀ ਕਨਵੀਨਰ ਅਰਵਿੰਦ ਕੇਜਰੀਵਾਲ ਨੇ ਕਿਹਾ, 'ਅੱਜ ਮੈਂ ਇੱਕ ਵੱਡਾ ਐਲਾਨ ਕਰਕੇ ਜਾ ਰਿਹਾ ਹਾਂ। ਜੇਕਰ ਤੁਸੀਂ ਭਾਰਤ ਭੂਸ਼ਣ ਆਸ਼ੂ ਨੂੰ ਵੋਟ ਦਿੰਦੇ ਹੋ ਤਾਂ ਤੁਹਾਨੂੰ ਇੱਕ ਵਿਰੋਧੀ ਧਿਰ ਦਾ ਵਿਧਾਇਕ ਮਿਲੇਗਾ, ਜੋ ਤੁਹਾਡਾ ਕੋਈ ਵੀ ਕੰਮ ਨਹੀਂ ਕਰਵਾ ਸਕੇਗਾ। ਜੇਕਰ ਤੁਸੀਂ 19 ਤਰੀਕ ਨੂੰ ਸੰਜੀਵ ਅਰੋੜਾ ਜੀ ਨੂੰ ਵੋਟ ਦਿੰਦੇ ਹੋ ਅਤੇ ਉਨ੍ਹਾਂ ਨੂੰ ਜਿੱਤ ਦਿਵਾਉਂਦੇ ਹੋ ਤਾਂ ਅਸੀਂ ਉਨ੍ਹਾਂ ਨੂੰ 20 ਤਰੀਕ ਨੂੰ ਕੈਬਨਿਟ ਮੰਤਰੀ ਬਣਾਵਾਂਗੇ। ਭਗਵੰਤ ਮਾਨ ਸਾਹਿਬ ਵੀ ਇਸ ਨਾਲ ਸਹਿਮਤ ਹਨ। ਤੁਸੀਂ ਆਪਣਾ ਫਰਜ਼ ਨਿਭਾਓ, ਅਸੀਂ ਉਨ੍ਹਾਂ ਨੂੰ ਪੰਜਾਬ ਦੀ ਕੈਬਨਿਟ ਵਿੱਚ ਮੰਤਰੀ ਬਣਾਵਾਂਗੇ।'

ਸੰਜੀਵ ਅਰੋੜਾ ਲੁਧਿਆਣਾ ਵੈਸਟ ਨੂੰ ਚਮਕਾਉਣਗੇ - ਕੇਜਰੀਵਾਲ

ਇਸ ਤੋਂ ਇਲਾਵਾ, ਉਨ੍ਹਾਂ ਕਿਹਾ ਕਿ ਸੰਜੀਵ ਅਰੋੜਾ ਲੁਧਿਆਣਾ ਵੈਸਟ, ਤੁਹਾਡੇ ਬੱਚਿਆਂ, ਪਰਿਵਾਰ, ਹਰ ਕਿਸੇ ਦੀ ਜ਼ਿੰਦਗੀ ਨੂੰ ਚਮਕਾਉਣਗੇ, ਉਹ ਹਰ ਕਿਸੇ ਦੀ ਜ਼ਿੰਦਗੀ ਨੂੰ ਬਿਹਤਰ ਬਣਾਉਣਗੇ। ਜਿਵੇਂ ਕਿ ਭਗਵੰਤ ਮਾਨ ਸਾਹਿਬ ਨੇ ਕਿਹਾ, 19 ਜੂਨ ਨੂੰ ਵੋਟ ਪਾਉਣ ਜ਼ਰੂਰ ਜਾਓ। ਨੰਬਰ ਇੱਕ ਉੱਤੇ ਦਿੱਤੇ ਬਟਨ ਨੂੰ ਦਬਾ ਕੇ ਵੋਟ ਪਾਓ।''

ਕੇਜਰੀਵਾਲ ਨੇ 16 ਕਰੋੜ ਰੁਪਏ ਦੇ ਟੀਕੇ ਦਾ ਕਿਉਂ ਕੀਤਾ ਜ਼ਿਕਰ ?

ਸੰਜੀਵ ਅਰੋੜਾ ਦੀ ਪ੍ਰਸ਼ੰਸਾ ਕਰਦੇ ਹੋਏ ਉਨ੍ਹਾਂ ਅੱਗੇ ਕਿਹਾ, ''ਦਿੱਲੀ ਵਿੱਚ ਇੱਕ ਗਰੀਬ ਵਿਅਕਤੀ ਦੇ ਬੱਚੇ ਨੂੰ ਅਜਿਹੀ ਬਿਮਾਰੀ ਸੀ ਜਿਸ ਦੇ ਇਲਾਜ ਲਈ 16 ਕਰੋੜ ਰੁਪਏ ਦਾ ਟੀਕਾ ਲਾਇਆ ਜਾਣਾ ਸੀ। ਸੰਜੀਵ ਅਰੋੜਾ ਨੇ ਸਾਡੇ ਸਾਰਿਆਂ ਤੋਂ ਯੋਗਦਾਨ ਲਿਆ ਅਤੇ ਉਸ ਬੱਚੇ ਦੇ ਇਲਾਜ ਲਈ ਟੀਕਾ ਮੰਗਵਾਇਆ ਅਤੇ ਉਸਦੀ ਜਾਨ ਬਚਾਈ। ਹੁਣ ਤੁਸੀਂ ਸੋਚੋ, ਜੇਕਰ ਸੰਜੀਵ ਅਰੋੜਾ ਜੀ ਇੱਕ ਗਰੀਬ ਬੱਚੇ ਲਈ ਇੰਨਾ ਕੁਝ ਕਰ ਸਕਦੇ ਹਨ, ਤਾਂ ਉਹ ਲੁਧਿਆਣਾ ਵੈਸਟ ਨੂੰ ਚਮਕਾਉਣ ਲਈ ਕੁਝ ਵੀ ਕਰ ਸਕਦੇ ਹਨ।''

ਅਰਵਿੰਦ ਕੇਜਰੀਵਾਲ ਦਾ ਵਿਰੋਧੀ ਦਲਾ 'ਤੇ ਹਮਲਾ

ਵਿਰੋਧੀ ਦਲ ਦੇ ਉਮੀਦਵਾਰ 'ਤੇ ਹਮਲਾ ਕਰਦਿਆਂ ਉਨ੍ਹਾਂ ਕਿਹਾ, "ਸੰਜੀਵ ਅਰੋੜਾ ਜੀ ਨੇ ਦੋ ਮਹੀਨਿਆਂ ਵਿੱਚ ਓਨਾ ਕੰਮ ਕੀਤਾ ਹੈ ਜਿੰਨਾ ਆਸ਼ੂ ਨੇ ਇੰਨੇ ਸਾਲਾਂ ਵਿੱਚ ਨਹੀਂ ਕੀਤਾ। ਸੰਜੀਵ ਅਰੋੜਾ ਜੀ ਨੂੰ ਵੋਟ ਦਿਓ ਜੋ ਤੁਹਾਡਾ ਸਤਿਕਾਰ ਕਰਨਗੇ, ਨਾ ਕਿ ਆਸ਼ੂ ਨੂੰ ਜੋ ਤੁਹਾਡਾ ਅਪਮਾਨ ਕਰਨਗੇ।"