ਦਿੱਲੀ 2025 ਚੋਣਾਂ ਦੀ ਮਿਤੀ ਦਾ ਐਲਾਨ, 5 ਫਰਵਰੀ ਨੂੰ ਪੈਣਗੀਆਂ ਵੋਟਾਂ, ਇਸ ਦਿਨ ਆਉਣਗੇ ਨਤੀਜੇ

ਮੁੱਖ ਚੋਣ ਕਮਿਸ਼ਨਰ ਰਾਜੀਵ ਕੁਮਾਰ ਨੇ ਦੇਸ਼ ਦੀ ਰਾਜਧਾਨੀ ਦਿੱਲੀ ਲਈ ਚੋਣਾਂ ਦੀ ਮਿਤੀ ਦਾ ਐਲਾਨ ਕਰ ਦਿੱਤਾ। ਵੋਟਾਂ ਪਾਉਣ ਦਾ ਦਿਨ 5 ਫਰਵਰੀ, 2025 ਹੈ ਅਤੇ ਨਤੀਜੇ 8 ਫਰਵਰੀ, 2025 ਨੂੰ ਆਉਣਗੇ।

ਮੁੱਖ ਚੋਣ ਕਮਿਸ਼ਨਰ ਨੇ ਜ਼ੋਰ ਦੇ ਕੇ ਕਿਹਾ ਕਿ ਈਵੀਐਮ ਹੈਕਿੰਗ ਲਈ ਅਯੋਗ ਹਨ। ਦਿੱਲੀ ਵਿੱਚ 70 ਹਲਕੇ ਹਨ: 58 ਜਨਰਲ ਅਤੇ 12 ਐਸ.ਸੀ. ਦਿੱਲੀ ਵਿੱਚ ਵੋਟਰਾਂ ਦੀ ਕੁੱਲ ਗਿਣਤੀ 1,55,24,858 ਹੈ; ਜਿਸ ਵਿੱਚ 83.49 ਲੱਖ ਪੁਰਸ਼ ਵੋਟਰ ਅਤੇ 71.73 ਲੱਖ ਮਹਿਲਾ ਵੋਟਰ ਹਨ। 80 ਸਾਲ ਤੋਂ ਵੱਧ ਉਮਰ ਦੇ ਨਾਗਰਿਕ ਆਪਣੇ ਘਰ ਬੈਠੇ ਹੀ ਵੋਟ ਪਾ ਸਕਦੇ ਹਨ। ਇੱਥੇ 13 ਹਜ਼ਾਰ ਪੋਲਿੰਗ ਬੂਥ ਹਨ। ਹਰ ਸਿਆਸੀ ਪਾਰਟੀ ਦੀ ਬਾਰੀਕੀ ਨਾਲ ਜਾਂਚ ਕੀਤੀ ਜਾਵੇਗੀ।