ਭਾਰਤ-ਅਮਰੀਕਾ ਵਪਾਰ ਸਮਝੌਤੇ 'ਤੇ ਨਿਵੇਸ਼ਕਾਂ ਦੀ ਨਜ਼ਰ

ਭਾਰਤੀ ਸਟਾਕ ਮਾਰਕੀਟ ਅੱਜ ਫਲੈਟ ਖੁਲਿਆ ਹੈ। ਦਸ ਦਈਏ ਕਿ ਨਿਵੇਸ਼ਕ ਸਾਵਧਾਨ ਹਨ ਅਤੇ ਸਟਾਕ ਮਾਰਕੀਟ ਦੇ ਖੁੱਲ੍ਹਣ ਦੀ ਉਡੀਕ ਕਰ ਰਹੇ ਹਨ। ਭਾਰਤੀ ਸਟਾਕ ਮਾਰਕੀਟ ਦੀ ਸ਼ੁਰੂਆਤ ਫਲੈਟ ਹੋਈ ਹੈ। ਨਿਫਟੀ 50 ਇੰਡੈਕਸ 7.90 ਅੰਕ ਅਤੇ 0.03 ਪ੍ਰਤੀਸ਼ਤ ਦੀ ਮਾਮੂਲੀ ਗਿਰਾਵਟ ਨਾਲ 25,514.60 'ਤੇ ਖੁੱਲ੍ਹਿਆ। BSE Sensex 92.69 ਅੰਕ ਅਤੇ 0.11 ਪ੍ਰਤੀਸ਼ਤ ਦੀ ਗਿਰਾਵਟ ਨਾਲ 83,619.82 'ਤੇ ਖੁੱਲ੍ਹਿਆ।

ਭਾਰਤੀ ਬਾਜ਼ਾਰ ਦੀ ਸੀਮਤ ਰੇਂਜ

ਭਾਰਤੀ ਸਟਾਕ ਮਾਰਕੀਟ ਦੀ ਫਲੈਟ ਸ਼ੁਰੂਆਤ ਦੇ ਨਾਲ, ਨਿਵੇਸ਼ਕ ਭਾਰਤ ਅਤੇ ਅਮਰੀਕਾ ਵਿਚਕਾਰ ਵਪਾਰ ਸਮਝੌਤੇ 'ਤੇ ਨਜ਼ਰ ਰੱਖ ਰਹੇ ਹਨ ਜਿਸ ਵਿੱਚ ਕਈ ਸਮਝੌਤੇ ਅਤੇ ਐਲਾਨ ਕੀਤੇ ਜਾ ਸਕਦੇ ਹਨ। ਜਿਸ ਕਾਰਨ ਭਾਰਤੀ ਬਾਜ਼ਾਰ ਸੀਮਤ ਰੇਂਜ ਵੇਖਣ ਵਿੱਚ ਮਿਲ ਸਕਦਾ ਹੈ।

ਇਹ ਸਟਾਕ ਹੋਣਗੇ ਫੋਕਸ ਵਿੱਚ

ਅੱਜ ਭਾਰਤੀ ਸਟਾਕਾਂ ਵਿੱਚ ਫਲੈਟ ਸ਼ੁਰੂਆਤ ਦੇ ਨਾਲ, ਨਿਵੇਸ਼ਕ Tata Steel, Tata Motors, Synergy Green Industries, ola, India Shelter Finance Corporation , zee ਦੇ ਸ਼ੇਅਰਾਂ 'ਤੇ ਨਜ਼ਰ ਰੱਖਣਗੇ।

ਏਸ਼ੀਆਈ ਬਾਜ਼ਾਰਾ ਦੀ ਸਥਿਤੀ

ਏਸ਼ੀਆਈ ਬਾਜ਼ਾਰਾਂ ਵਿੱਚ ਵੀ ਉਤਰਾਅ-ਚੜ੍ਹਾਅ ਦੇਖਣ ਨੂੰ ਮਿਲਿਆ ਹੈ। ਜਾਪਾਨ ਦਾ Nikkei 225 ਅੱਜ ਸਥਿਰ ਕਾਰੋਬਾਰ ਕਰ ਰਿਹਾ ਸੀ, ਜਦੋਂ ਕਿ ਸਿੰਗਾਪੁਰ ਦੇ ਸਟ੍ਰੇਟਸ ਟਾਈਮਜ਼ ਵਿੱਚ 0.22 ਪ੍ਰਤੀਸ਼ਤ ਦਾ ਵਾਧਾ ਦਰਜ ਕੀਤਾ ਗਿਆ। ਹਾਂਗ ਕਾਂਗ ਦਾ ਹੈਂਗ ਸੇਂਗ ਇੰਡੈਕਸ 0.83 ਪ੍ਰਤੀਸ਼ਤ ਡਿੱਗ ਗਿਆ ਹੈ। ਤਾਈਵਾਨ weighted index 0.18 ਪ੍ਰਤੀਸ਼ਤ ਵਧਿਆ ਹੈ। ਦੱਖਣੀ ਕੋਰੀਆ ਦਾ ਕੋਸਪੀ ਇੰਡੈਕਸ 0.43 ਪ੍ਰਤੀਸ਼ਤ ਵਧਿਆ ਹੈ।