GST 2.0 Impact: ਹੁੰਡਈ ਮੋਟਰ ਇੰਡੀਆ ਨੇ ਇੱਕ ਵੱਡਾ ਐਲਾਨ ਕੀਤਾ ਹੈ ਜੋ ਕਾਰ ਖਰੀਦਦਾਰਾਂ ਨੂੰ ਵੱਡੀ ਰਾਹਤ ਦੇਵੇਗਾ। ਕੰਪਨੀ ਨੇ ਵਸਤੂਆਂ ਅਤੇ ਸੇਵਾਵਾਂ ਟੈਕਸ (GST) ਦੀਆਂ ਨਵੀਆਂ ਦਰਾਂ ਗਾਹਕਾਂ ਤੱਕ ਪਹੁੰਚਾਉਣ ਦਾ ਫੈਸਲਾ ਕੀਤਾ ਹੈ, ਜਿਸ ਕਾਰਨ ਵਾਹਨਾਂ ਦੀਆਂ ਕੀਮਤਾਂ ਵਿੱਚ 2.4 ਲੱਖ ਰੁਪਏ ਤੱਕ ਦੀ ਕਮੀ ਆਈ ਹੈ।
GST 2.0 Impact: ਨਵੀਆਂ ਕੀਮਤਾਂ ਕਦੋਂ ਹੋਣਗੀਆਂ ਲਾਗੂ ?
ਇਹ ਨਵੀਆਂ ਕੀਮਤਾਂ 22 ਸਤੰਬਰ ਤੋਂ ਲਾਗੂ ਹੋਣਗੀਆਂ, ਜਦੋਂ ਸਰਕਾਰ ਦੁਆਰਾ ਐਲਾਨੀਆਂ ਗਈਆਂ ਨਵੀਆਂ GST ਦਰਾਂ ਦੇਸ਼ ਭਰ ਵਿੱਚ ਲਾਗੂ ਹੋਣਗੀਆਂ। ਸਰਕਾਰ ਨੇ ਹਾਲ ਹੀ ਵਿੱਚ GST ਵਿੱਚ ਵੱਡੇ ਬਦਲਾਅ ਕੀਤੇ ਹਨ, ਜਿਸ ਨਾਲ ਕਈ ਚੀਜ਼ਾਂ 'ਤੇ ਟੈਕਸ ਘੱਟ ਗਿਆ ਹੈ।
GST 2.0: ਕਿਹੜੇ ਵਾਹਨਾਂ ਦੀਆਂ ਘਟਾਈਆਂ ਗਈਆਂ ਹਨ ਕੀਮਤਾਂ?
ਹੁੰਡਈ ਨੇ ਆਪਣੀਆਂ ਵੱਖ-ਵੱਖ ਕਾਰਾਂ ਦੀਆਂ ਕੀਮਤਾਂ ਵਿੱਚ ਭਾਰੀ ਕਟੌਤੀ ਕੀਤੀ ਹੈ। ਆਓ ਜਾਣਦੇ ਹਾਂ ਕਿਸ ਮਾਡਲ 'ਤੇ ਕਿੰਨੀ ਰਾਹਤ ਮਿਲੇਗੀ:
ਹੋਰ ਕੰਪਨੀਆਂ ਨੇ ਵੀ ਕੀਤੀ ਕਾਰਵਾਈ
ਹੁੰਡਈ ਤੋਂ ਪਹਿਲਾਂ, ਟਾਟਾ ਮੋਟਰਜ਼, ਮਹਿੰਦਰਾ, ਟੋਇਟਾ ਅਤੇ ਰੇਨੋ ਵਰਗੀਆਂ ਵੱਡੀਆਂ ਕੰਪਨੀਆਂ ਨੇ ਵੀ ਗਾਹਕਾਂ ਨੂੰ ਜੀਐਸਟੀ ਦਰਾਂ ਵਿੱਚ ਕਟੌਤੀ ਦਾ ਲਾਭ ਦਿੱਤਾ ਹੈ। ਇਸ ਤੋਂ ਸਪੱਸ਼ਟ ਹੈ ਕਿ ਆਟੋਮੋਬਾਈਲ ਸੈਕਟਰ ਵਿੱਚ ਗਾਹਕਾਂ ਲਈ ਹੁਣ ਵਾਹਨ ਖਰੀਦਣਾ ਥੋੜ੍ਹਾ ਸਸਤਾ ਹੋ ਗਿਆ ਹੈ।
New GST Slab: ਕੀ ਹੈ ਨਵਾਂ GST ਸੁਧਾਰ
ਸਰਕਾਰ ਨੇ GST 2.0 ਨਾਮਕ ਇੱਕ ਨਵੀਂ ਟੈਕਸ ਪ੍ਰਣਾਲੀ ਲਾਗੂ ਕਰਨ ਦਾ ਐਲਾਨ ਕੀਤਾ ਹੈ। ਇਸ ਦੇ ਤਹਿਤ, ਟੈਕਸ ਸਲੈਬ ਹੁਣ ਸਿਰਫ ਦੋ - 5% ਅਤੇ 18% ਤੱਕ ਘਟਾ ਦਿੱਤੇ ਗਏ ਹਨ। ਪਹਿਲਾਂ ਚਾਰ ਸਲੈਬ ਸਨ - 5%, 12%, 18% ਅਤੇ 28%। ਇਸ ਨਵੇਂ ਬਦਲਾਅ ਨਾਲ, ਨਾ ਸਿਰਫ਼ ਵਾਹਨ, ਸਗੋਂ ਹੋਰ ਬਹੁਤ ਸਾਰੀਆਂ ਚੀਜ਼ਾਂ ਵੀ ਸਸਤੀਆਂ ਹੋ ਸਕਦੀਆਂ ਹਨ।
ਕਿਹੜੇ ਵਾਹਨਾਂ 'ਤੇ ਘਟਾਇਆ ਗਿਆ ਹੈ ਟੈਕਸ ?
ਸਰਕਾਰ ਨੇ ਜਿਨ੍ਹਾਂ ਵਾਹਨਾਂ 'ਤੇ GST ਘਟਾਇਆ ਹੈ ਉਹ ਇਸ ਪ੍ਰਕਾਰ ਹਨ:
1200 ਸੀਸੀ ਤੱਕ ਦੀਆਂ ਪੈਟਰੋਲ, ਪੈਟਰੋਲ ਹਾਈਬ੍ਰਿਡ, ਐਲਪੀਜੀ ਅਤੇ ਸੀਐਨਜੀ ਕਾਰਾਂ - ਹੁਣ ਇਨ੍ਹਾਂ 'ਤੇ 28% ਦੀ ਬਜਾਏ 18% ਜੀਐਸਟੀ ਲੱਗੇਗਾ ਟੈਕਸ।
1500 ਸੀਸੀ ਤੱਕ ਦੀਆਂ ਡੀਜ਼ਲ ਅਤੇ ਡੀਜ਼ਲ ਹਾਈਬ੍ਰਿਡ ਕਾਰਾਂ - ਟੈਕਸ ਘਟਾ ਕੇ 18% ਕਰ ਦਿੱਤਾ ਗਿਆ ਹੈ।
350 ਸੀਸੀ ਤੱਕ ਦੀਆਂ ਮੋਟਰਸਾਈਕਲਾਂ, ਤਿੰਨ ਪਹੀਆ ਵਾਹਨਾਂ ਅਤੇ ਵਪਾਰਕ ਵਾਹਨਾਂ - ਇਨ੍ਹਾਂ 'ਤੇ ਵੀ 18% ਲੱਗੇਗਾ ਟੈਕਸ।