ਸਮਾਰਟਫੋਨ ਨਿਰਮਾਤਾ ਕੰਪਨੀ ਸ਼ਿਓਮੀ ਭਾਰਤੀ ਬਾਜ਼ਾਰ 'ਚ ਨਵਾਂ ਸਮਾਰਟਫੋਨ ਪੇਸ਼ ਕਰਨ ਦੀ ਤਿਆਰੀ ਕਰ ਰਹੀ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਕੰਪਨੀ ਫਰਵਰੀ 'ਚ ਸ਼ਾਓਮੀ 15 ਅਲਟਰਾ ਲਾਂਚ ਕਰੇਗੀ। ਲਾਂਚ ਤੋਂ ਪਹਿਲਾਂ ਇਸ ਸਮਾਰਟਫੋਨ ਨੂੰ ਐਮਡਬਲਯੂਸੀ ਗਲੋਬਲ ਲੈਵਲ 'ਤੇ ਪੇਸ਼ ਕੀਤਾ ਜਾਵੇਗਾ। ਸ਼ਾਓਮੀ 15 ਅਲਟਰਾ ਦੇ ਵੱਡੀ ਬੈਟਰੀ ਅਤੇ ਕਈ ਸਮਾਰਟ ਫੀਚਰਸ ਦੇ ਨਾਲ ਆਉਣ ਦੀ ਉਮੀਦ ਹੈ। ਨਾਲ ਹੀ ਸਮਾਰਟਫੋਨ 'ਚ 90 ਵਾਟ ਚਾਰਜਿੰਗ ਸਪੋਰਟ ਵੀ ਦਿੱਤਾ ਜਾ ਸਕਦਾ ਹੈ।
Xiaomi 15 ULTRA ਵਿੱਚ ਕੀ ਮਿਲ ਸਕਦੇ ਹਨ ਫ਼ੀਚਰ?
ਸ਼ਾਓਮੀ 15 ਅਲਟਰਾ 'ਚ ਸ਼ਕਤੀਸ਼ਾਲੀ ਪ੍ਰੋਸੈਸਰ ਸਨੈਪਡ੍ਰੈਗਨ ਐਲੀਟ 8 ਹੋਣ ਦੀ ਉਮੀਦ ਹੈ। ਨਾਲ ਹੀ ਸਮਾਰਟਫੋਨ 'ਚ ਓਐੱਲਈਡੀ ਡਿਸਪਲੇਅ ਦਿੱਤੀ ਜਾ ਸਕਦੀ ਹੈ ਜੋ 120 ਹਰਟਜ਼ ਰਿਫਰੈਸ਼ ਰੇਟ ਨੂੰ ਸਪੋਰਟ ਕਰੇਗੀ। ਸਮਾਰਟਫੋਨ 'ਚ 6000 ਐੱਮਐੱਚ ਦੀ ਵੱਡੀ ਬੈਟਰੀ ਵੀ ਦਿੱਤੀ ਜਾ ਸਕਦੀ ਹੈ, ਬੈਟਰੀ ਚਾਰਜ ਕਰਨ ਲਈ 90 ਵਾਟ ਚਾਰਜਿੰਗ ਸਪੋਰਟ ਦਿੱਤਾ ਜਾ ਸਕਦਾ ਹੈ। ਕੈਮਰੇ ਦੀ ਗੱਲ ਕਰੀਏ ਤਾਂ ਸਮਾਰਟਫੋਨ 'ਚ ਮੇਨ ਕੈਮਰਾ 50 ਮੈਗਾਪਿਕਸਲ ਦਾ ਹੋ ਸਕਦਾ ਹੈ ਅਤੇ ਅਲਟਰਾ ਵਾਈਡ ਕੈਮਰਾ ਵੀ 50 ਮੈਗਾਪਿਕਸਲ ਦਾ ਹੋ ਸਕਦਾ ਹੈ। ਬਿਹਤਰ ਫੋਟੋਆਂ ਲਈ 100x ਦਾ ਜ਼ੂਮ ਵੀ ਦਿੱਤਾ ਜਾ ਸਕਦਾ ਹੈ। ਉਥੇ ਹੀ ਫਰੰਟ 'ਤੇ ਸੈਲਫੀ ਲਈ 32 ਮੈਗਾਪਿਕਸਲ ਦਾ ਕੈਮਰਾ ਦਿੱਤਾ ਜਾ ਸਕਦਾ ਹੈ।